शनिबार १५ माघ २०७८

राष्ट्रिय आविष्कार केन्द्रले बाँदर धपाउने प्रभावकारी मेसिन बनाउनेलाई १० लाख रुपैयाँ पुरस्कारको घोषणा गरेको छ । आविष्कार केन्द्रका अध्यक्ष समेत रहेका महावीर पुनले सामाजिक सञ्जालमार्फत उक्त पुरस्कारको घोषणा गरेका हुन् ।

उनले आविष्कार गर्नेहरुलाई प्रोत्साहनका लागि उक्त पुरस्कारको घोषणा गरेको जनाएका छन् । उनले भनेका छन्, ‘बास्तबमा धेरै पैसा भएर पुरस्कार दिने भनेको होइन । साह्रै आवश्यक भएर र अहिलेसम्मको उपायले त्यति राम्रो काम नगरेको हुनाले कसैले गर्छन् कि भनेर प्रोत्साहन गर्नको लागि पुरस्कारको घोषणा गरेका हौँ ।’

उनले बुद्ध एयरको जहाजको पाङ्ग्रा नखुल्दा अवतरणमा समस्या भएको विषयसँग जोड्दै भनेका छन्, ‘थुप्रै करोड पर्ने र एकदमै नाम चलेको हवाईजहाज बनाउने कम्पनीले पनि त्यत्ति सानो कुरा गर्न बिर्सेछ । नजानेर त पक्कै होइन होला ।

उनले यसलाई आवश्यक्ताले नै इनोभेशन अर्थात नवप्रबर्तन को काम हुन्छ भन्ने उदाहारण मात्र दिन खोजेको बनाएका छन् ।


Last Updated on: September 29th, 2021 at 10:49 am
४८१ पटक हेरिएको

तपाईको प्रतिक्रिया